• Live Stream Link with Palau Wave Radio and listen live to *Local Musics / *Christian Songs & Programs / *Public Awareness Programs / *Talk Shows / *Conferences / *Announcements & many more!

L Y R I C S

(Introduction: Dialogue between a child and a father)
Ngalek: Bapa, ngera belkul a FPA? A kora mla rongesii el leko ng llach el protect ra family.

Bapa: Uaisei e rungalek a FPA a Family Protection Act el kmal lungil llach leng mesebechakl a telungalek el kirel a tekoi ra ulekdakt, ulecheracheb, omengelebed, omelemall ma odechelakl el duubech ra chelsel a delengchokl.

Ngalek: Oh! Sei ea uchul meng ngar ngii a stickers ma T-shirts el llechukl el kmo “Stop Violence ra Domestic Violence”.

Bapa: Uaise e rungalek eng di melak dobes el kmo te dirrek el ngar ngii ar sechal el victims ra Domestic Violence.

Ngalek: Mada ngsebechem e Bapa el dibechii e kedeb el chelitakl ra FPA?

Bapa: Ka hall kung e kulasm…

(Song starts with CHORUS)
Lak dosebek e lak domar; Lak dolik e lak domrotech
Lak dolecheech e lak dometech; Lak dongelebed rar bechid ma rengeleked
Lak el bo chimad ra ngii dil chad ra blai
STOP THE V-I-O-L-E-N-C-E ra chelsel a community ma chelsel a family
E bai bo dedak e de kaingeseu el kakull e kaukerreu
Le klengar okedeldaol klou ultutelel me dongeluolu
STOP THE V-I-O-L-E-N-C-E

I.    Le sel domes ra chelsel tial kekerei’l beluad
E te ngar ngii a rubekel el di kakaoad
Te merael el mo melim rrom e me mengelebed rar becherir
Ear ngelekir a mekekerei e omes er tir
Me tia lomeruul a kmal klou al temellii
Leng mouchul ma telungalek a obriid e obii
Me tiakid a ongit lekong el kmo bo de BFF – Best Family Forever

CHORUS

II.    Rokui’l chebechiil a mo chemau a mondai
Ng di diak a chad el blil a chelebed ma kal sibai
Mal ngasech a renud e lak bo boldechelakl
Detobed el morcheroid e bai bo de chelellakl
Bo dolbedebek a klengar ra rengeleked
Le bol meklou e te moltirakl a blekekled
Me tiaikid a ongit lekong el kmo bo de BFF – Best Family Forever

CHORUS

JEREMIAH 29:11 “For I have plans to prosper you and not to harm you, declares the Lord!

III.    Ngar ngii a ungil moktek ra klengar rekid
Ng di lak de bora Dios e ke de di cheleuid
Ea cheraro a bek’l sils el soal melemall er kid
Maleuaisei e dengai a osenged el mora Chelid el milebid
E doluluuch lolengit er ngii melngesukid
Leng kmal di ngii el tang a sebechel sumecheklid
Me tiaikid a ongit lekong el kmo bo de BFF – Best Family Forever

CHORUS

BO DORROB A TEKOI RA ULEKDAKT
BO DORROB A TEKOI RA ULECHERACHEB
BO DORROB A TEKOI RA OMENGELEBED
BO DORROB A TEKOI RA ODECHELAKL
BO DORROB A TEKOI RA OMELEMALL
BO DORROB A TEKOI RA VIOLENCE

CHORUS

Ending:
Ngalek: “STOP VIOLENCE AGAINST MEN, WOMEN & CHILDREN”

(Sound Effects (Radio Transmitter Noise)

“THIS IS CENTRAL CALLING ALL UNITS:
BE INFORMED ROKUI EL TEKOI RA FPA A NO DROP POLICY
A LE NGAR NGII A SUSPECT EL MENGAI
EL MEKETMOKL A UREOR EL KIRIR…OVER”

 

**Courtesy of: Senator J.Uduch Sengebau Senior; Senate Committee on Youth Affairs, Social Welfare and Culture
**Edward Anastacio RECORDS

Categories
Archives